Myanmar Friends Day Poems

“တစ်ကိုယ်ခွဲ´´

MMFD — Fri, 17 Feb 2012 01:15:24 +0000

မကြာခင် နွေကိုရောက်ပြန်ဦးတော့မယ်

(ဒါများ အဆန်းလုပ်လို့…၊ ဆောင်းပြီးရင် နွေရောက်တာ ဆန်းသလား…)

ရွက်ဝါကလေးတွေ… လေရူးကလေးတွေ… ဥသြကလေးတွေ…

(အမယ်… ကဗျာဆန်နေပြန်ပြီ…၊ အဲဒီတော့ ဘာဖြစ်တုန်း…)

ရင်ဘတ်ကိုထိန်းရတာ မလွယ်ဘူး

(ထိန်းရတာ မလွယ်ရင်… ခြောက်ပေါင်တူနဲ့ ထုခိုင်းလိုက်…)

လွမ်းတယ်… ကောင်မလေးရယ်… လွမ်းတယ်…

(ကောင်မလေးတွေက အများကြီး…၊ ဘယ်ကောင်မလေးလဲ ရှင်းအောင်ပြော…)

မင်းရဲ့အပြုံးနုနုကလေးကိုပဲ

(အပြုံးနုနုကလေးကို ဘာလုပ်မှာလဲ…၊ ပြုတ်ပြီးတော့ သုတ်စားမှာလား…)

အဝေးကနေ လှမ်းငေးနေရတယ်

(အဝေးက မငေးလို့ ဘယ်က ငေးချင်သေးလဲ…၊

တော်ကြာ… အနီးကသွားငေးလို့ ပါးရိုက်လွှတ်လိုက်မှ ဟုတ်ပေ့ဖြစ်နေဦးမယ်…)

ဒီလိုပဲ စိတ်ကို ပျော်အောင်မွေးနေရ။

ထွန်းလင်းသစ်(ကန့်ဘလူ)

ငဘ ကျောမွဲဟာ မွတ်သိပ်နေဆဲဆိုရင်, စင်ထွက်လာတဲ့ သွေးတောင် သံဓာတ်နည်းနေတယ်

MMFD — Thu, 16 Feb 2012 11:56:51 +0000

အရေးထဲမှာရယ်တဲ့ အရာပေါ်

ငါတို့ နေ့ရက်တွေကို ဘုန်းတော်ဘွဲ့တစ်ချို့က ခူးခပ်စားသောက်ကြ၊

ကောင်းကင်က ပြာစင် မနေ၊ တောအုပ်ကလည်း စိမ်းညွန့် မနေသေး

အခု ခွေးလို မောင်းခံရ၊ အခု အကြွေး ပိုတောင်းခံရ၊ အခု အရေးဆို အကြောင်းကံ မလှ

ဆင်ခြင်ကြဦးပေါ့၊ ရာသီစာ.. အနိစ္စ ဒုက္ခ အနတ္တ။

ဟေ့… တိဟိတ်ကြန်အင် စုံလင်ခဲ့ပေတာပဲကွယ့်

ဒါပေမယ့် အဇာတသတ်နဲ့ ဒေဝဒတ်ဟာ အခြားဖြစ်စရာ မရှိဘူး။

အလုံးစုံ ငြိမ်းချမ်းရေးဆိုတာ ဓားလှံလေးမြား လွှားကာ ကြားနဲ့

ဥပစ္ဆေဒက ကျည်ဆံဖျားတွေမှာ အနှံ့အပြား ကျရှုံးလိမ့်။

” ဆရာ မသေခင် တကယ့်ငြိမ်းချမ်းရေးအစစ်ကို တွေ့မြင်ကြားသိချင် “… ပြီးပြီ။

” ခန္တီ ပရမံ တပေါ တိတိက္ခာ”.. နစ်ချင်း အတူတူတောင် ဖြူ/နီ ဟက်တက်ကွဲ။

ဆရာဖေ လိုဆဲရင်လည်း ကိုယ် မချိ၊ ကိုယ့်အမိဆီပဲ ပြန်ဝဲမယ့် ခေတ်

အဟောင်းအမြင်းတွေ အပုပ်အသိုးတွေနဲ့ အရှက်မလုံ ဘုန်းတော်ဘွဲ့တွေရဲ့ ခေတ်

ဟိုခေတ်ကလို အစွဲအလမ်းတွေနဲ့ ဘယ်ယိမ်းညာယိမ်း တိမ်တောင်တွေ ဒိန်းတလိန်းလိန်း ခေတ်

ကောင်းကင်, တောအုပ်, မြေလွှာ၊ ရုပ်နာမ်ခန္ဓာ အနှံ့အပြားရာသီဥတုမှာ

အသစ်တွေချည်း ဖြစ်ဖို့ အရေးကြီး၊ ဒါပေမယ့် ဒါဒါတွေချည်း ထထတောက်တဲ့ ခေတ်

ငါတို့နေ့ရက်တွေကိုချည်း အစီအစဉ်အရ ခူးခပ်စားသောက်နေကြတဲ့ ခေတ်။

စားပွဲတွေဟာ အခုထိ အလုပ်မဖြစ်သေးဘူး။

မိုးကေခမ်း

“သေကြည့်´´

MMFD — Fri, 03 Feb 2012 08:11:10 +0000

တကယ်တော့ ဒီကဗျာကို သင်္ချိုင်းကုန်းအ၀င်ဝမှာ ထိုင်ပြီးရေးခဲ့တာ
မဟုတ်ပါဘူး။ အဲဒီလောက်ကြီး လက်တွေ့ဆန်နေဖို့ မလိုဘူးလေ။
တွေးကြည့်ရင် ပြေးကြည့်တာထက် ဟိုမှာ လူတွေအများကြီး
မမြင်ဘူးလား။ ငိုတဲ့သူတွေကလည်း ငိုလို့၊ စကားပြောသူတွေကလည်း
စကားပြောလို့၊ သေတဲ့သူကလည်း သေနေတာ ကြည့်စမ်း ပက်လက်ကြီး။
မီးခိုးခေါင်းတိုင်က မီးခိုးတွေအူလို့ မြင်ကွင်းကတော့ ရောင်စုံပဲ
သေနေတဲ့ လူ၊ ငိုနေတဲ့ လူ၊ စကားပြောနေတဲ့ လူ၊ ပေါက်ပြားကိုင်ထားတဲ့ လူ၊
အလောင်း မ,နေတဲ့ လူ၊ မီးထိုးနေတဲ့ လူ၊ မြေကြီးဖို့နေတဲ့ လူ၊ သေတာတောင်
မတူတဲ့လူတွေ။ လွမ်းသူ့ပန်းခွေက ပန်းလေးတွေလည်း ဒီနေရာမှာ
မျက်နှာခပ်ငယ်ငယ်။ ၀င်လာကြတယ် အရေးတကြီး၊ ထွက်သွားကြတယ်
အရေးတကြီး၊ ကိုယ်ပိုင်ကား၊ ငှားလာတဲ့ကား၊ နာရေးကူညီမှုက ကား၊
အုပ်ဂူလေးတွေကလည်း မညီမညာ၊ မြေပုံလေးတွေကလည်း မညီမညာ၊
လူတွေကလည်း မညီမညာ၊ အော်အော်ပြီးငိုနေတဲ့စကားထဲမှာတောင်
ညီညီညာညာ မရှိဘူး။ မိန်းမ/ယောက်ျား အဖိုး/အဖွား လူကြီး/လူငယ်
အဖြူ/အမည်း ဆင်းရဲ/ချမ်းသာ သေပုံ/သေနည်း အကျင့်သီလရှိ/မရှိ
အခုပြောနေတဲ့သင်္ချိုင်းကုန်းထဲမှာ ဒါမှမဟုတ် သင်္ချိုင်းရဲ့အပြင်ဘက်
လူ့လောကထဲမှာ ထိုင်ကြည့် ထိုင်ကြည့် ထိုင်ပြီးတော့ ကြည့်၊
သင်္ချိုင်းကုန်းအ၀င်ဝမှာ ထိုင်ပြီးတော့ကြည့်နေသလို တစိမ့်စိမ့်ကြည့်၊
တနေကုန်ကြည့်၊ နေ့တိုင်းကြည့်၊ ခဏခဏကြည့်၊ မသေမချင်းကြည့်၊
တွေးတွေးပြီးကြည့်၊ ကိုယ့်ကိုယ်ကိုယ်ပြန်ကြည့်၊ သေကြည့် သေကြည့်
သေရဲအောင် သေကြည့်။

ထွန်းလင်းသစ်(ကန့်ဘလူ)

မှာတမ်း

MMFD — Wed, 11 Jan 2012 04:59:35 +0000

ကန့်လန့်ခံတာ မဟုတ်ပါဘူး

သင့်စွမ်းရည်ကို ကြိမ်တို့လိုက်တာပါ

ဆို့နင့်ခဲ့ရတယ်ဆိုရင်လည်း သင်ဒီထက်ရင့်ကျက်စေဖို့ပါ

ကောက်ကျစ်တဲ့ အပြုံး

မာယာစွက်တဲ့ အပြုံး တွေကို မြေမြုပ်လိုက်ဖို့

အကောင်းဆုံးအချိုန်ကို ရောက်ရှိနေပါပြီ

( အဲ့ဒီ အပြုံးမျိုးတွေ သုံးခဲ့ဘူးတယ်ဆိုရင်ပေါ့ )

အသိဥာဏ်

လုပ်ဆောင်မှု

ခံနိုင်ရည်စွမ်း

ဒါတွေကိုလည်း အင်အားကြီးစေပါ

ခပ်မာမာ တုန့်ပြန်နိုင်ဖို့ဆိုတာက

အပြင်းအထန် လေ့ကျင့်ထားဖို့ လိုအပ်တယ်လေ

ကိုယ့်တာဝန် ကိုယ်ကျေကြေးပေါ့

ဖြစ်လာနိုင်တဲ့ ရင်းနှီးပြီးဖြစ်ခဲ့တဲ့ သဘောလေးတွေကိုတော့

( အချိန်မကုန်စေဘဲ )

မကြာခဏ နှလုံးသွင်းပါ

ဆိုလိုတာက သတိထားပါ

မှန်မှန်ကန်ကန် ပြုလုပ်မှသာ

စစ်မှန်တဲ့ စိတ်ချမ်းသာမှုကို ရတတ်တာပါ

သင်ဟာ …

သင့်ရဲ့ ပစ္စုပန် သမုဒ္ဒရာပြင်မှာ

မာလိန်မှူးကောင်းတစ်ယောက်ဖြစ်ဖို့ လိုအပ်ပါတယ်

သင့်ရဲ့ အခု အခက်အခဲတွေဟာ

သင့် အနာဂတ်အတွက် အခွင့်အရေးတွေပါ

ဘာမှမဟုတ်တဲ့ အရာကလေးတစ်ခုက

လိုအပ်တာနဲ့ အံဝင်ခွင်ကျ ဖြစ်သွားတဲ့ အခါ

အရာဝင်တတ်ပါတယ်

ကိုယ်တော်ကြောင်း ကိုယ်ကိုယ်တိုင် ရှင်းပြရတာ

လူပေါကြီးဖြစ်တတ်တယ်

ရခဲလှတဲ့  လူ့ဘဝ နေရတဲ့ အချိန်ခဏလေးမှာ

စိတ်ချမ်းသာမှုရဖို အရေးကြီးပါတယ်

အဲ့ဒီထက်

မှန်ကန်တဲ့ စိတ်ချမ်းသာမှု ဖြစ်ဖို့က ပိုအရေးကြီးပါတယ် …..။ ။

ရာဇ၀င် (ဒီပဲယင်း)

ပိတ်ဆို့နေသော တံခါးများ

MMFD — Wed, 11 Jan 2012 04:44:48 +0000

“ဖြစ်,ချုတ်”
ဘ၀က ရက်တိုစာချုပ်ကလေး
လျှာဖျားလေးတင် ကွယ်ပသွားနိုင်တယ်.
ဆိုတော့..။

ရလာခဲ့တဲ့ ရခဲဘ၀
ဘယ်လိုဆေးအလှတွေနဲ့ ခြယ်သခဲ့လေမလဲ…?
မျက်ဝန်းမှာတော့..
ဖြူ,မဲ မကွဲ နားလည်မှုတွေက အချိုးတကျ လွဲလို့..။

တဦး ကို တဥင်္ီး
မေးရိုးကားယားယားနဲ့ လက်ညှိုးချင်းပြိုင်ထိုး
ချုံခိုနေရသူများက..
ကျီးလန့်စားစားသလို မျက်ခုံးတလှုတ်လှုတ်
နေ့ညမရွေး ရှင်သန်ခြင်းကို ပါဆယ်ထဲ ထိုးသိပ်ထားရ..။

ဆန့်ထားတဲ့ လက်နှစ်ဖက် စပ်ဟပ်မိဖို့အရေး
ဘာလို့ ကြန့်ကြာ ခြောက်ခြားနေကြပါလ်ိမ့်
အမှားရံထားတဲ့ အမှန်တရားအတွက်
အလျော်စားမပြန်နိုင်သော မြုတ်နှံခဲ့ရပုံများ
ခုထိ မြင်ကွင်းထဲ ဝေ့၀ိုက်နေသေး..။

လိုအပ်မယ်မထင်တော့ဘူး အမေ
ကိုယ့်ဘ၀ကိုယ် စိတ်ကြိုက်ပုံဖော်ခွင့်မရတဲ့ ကမ္ဘာမှာ
မနက်ဖြန်ကို….
စာလုံးပေါင်းတတ်ဖို့ဆိုတာ……………။ ။

ညီသား

“လရောင်ဆန်းတဲ့ ညချမ်းလေး´´

MMFD — Fri, 23 Dec 2011 05:52:41 +0000

သူ့မျက်ဝန်းတောက်တောက်ကလေးနဲ့
တစ်လောကလုံးကို ပြုံးကြည့်နေတယ်
အလင်းဓာတ်အေးအေးမြမြမှာ
ကုမုဒြာကြာတွေ သင်းနေအောင်ပွင့်ပြီ
ကြယ်ကလေးတွေ ပြိုးပြိုးပြက်ပြက်
တိမ်ကလေးတွေ တရွေ့ရွေ့ဖြတ်သွား
ညကိုအလှဆင်ထားတဲ့ပန်းချီကားလေ
လေညင်းလေး တသွေ့သွေ့အနှော့မှာ
စိမ်းမြမြသစ်ကိုင်းတွေဆော့ကစားနေပုံက
သူ့အလင်းနဲ့ပနံတင့်လှတယ်
အဲဒီလိုအေးချမ်းတဲ့ညခင်းလေးထဲ
စိတ်ကိုပေါ့ပေါ့ပါးပါးလေးလွှတ်တင်ပြီး
လရထားနဲ့ခရီးထွက်ခဲ့တယ်။

ထွန်းလင်းသစ်(ကန့်ဘလူ)

မြစ်တစ်စင်းရဲ့ အကိုင်းအခက်များ

MMFD — Fri, 23 Dec 2011 05:50:31 +0000

တစ်ယောက်က လေပြည်လေးဆိုရင်

ကျန်သူတွေက ပန်းခင်းကြီး

သူငယ်ချင်းဆိုတာ တစ်ယောက်သတင်း တစ်ယောက် သင်းစေတဲ့သူ။

တစ်ယောက်က လှိုင်းကြက်ခွပ်ဆိုတော့

ကျန်သူတွေက ပင်လယ်ပြာ

အဲဒါပဲ

သူငယ်ချင်းဆိုတာ ကြားမှာ တလက်မတောင် အကွာအဝေးမရှိတဲ့သူ။

လုပ်မိတဲ့အမှားကို ဖုံးကွယ်တာမဟုတ်ဘူး

မမှားရအောင် လက်တွဲကူတာ……….သူငယ်ချင်း။

တွင်းထဲကို ခြေကျွံကျ

တွင်းနှုတ်ခမ်းဝကနေဆွဲကူတာ… သူငယ်ချင်း။

အားနည်းချက်တွေ မြင်သိ

ကူညီပေးချင်စိတ်က လွဲရင် အခြားအရောင်မရှိသူ…. သူငယ်ချင်း။

ပုခုံးပေါ်က သောက

အတူတကွ ပေါ့ပါးစေသူ…. သူငယ်ချင်း။

အတွန့်အကောက်မရှိဘဲ တစ်ကြောင်းတည်းစီးတဲ့မြစ်

အဖြူအမည်း အရောင်မကွဲတဲ့ကောင်းကင်

သူငယ်ချင်းဆိုတာ

လောကဓံကို ဖွင့်အန်ထုတ်စရာ အိုးတစ်လုံးလည်း ဖြစ်ရဲ့။

“သင်အမှောင်ထဲမှာ ရှိတဲ့အခါ

သင့် သူငယ်ချင်းက လထွက်အောင်လည်း ကူအော်ပေးသတဲ့”

ကလေးကလားဆန်လည်း

စွမ်းသလောက်လေးတော့ ဘေးမှာရပ်နေမယ့်သူဟာ သူငယ်ချင်းတဲ့။

ရင်းနှီးသထက် ရင်းနှီးလာတော့ အစအနောက် မကင်းကြ

ခဏ ခဏ ကျီစားကြ

ရန်စတိုင်း အငြိုးအတေး မရှိသူ…. ။

အမေမတူ

အဖေကွဲ

မြေပြန့်သူ

တောင်ပေါ်သား၊

မြေလတ်မြို့က ရင်းချာတွေ

ညီရင်းအစ်ကို မောင်ရင်းနှမ

သိပ်ချစ်ကြတဲ့အခါ

နာမည်ရင်းခေါ်ဖို့မေ့

ဘ၀တကွေ့လုံး

“သူငယ်ချင်း” ဆိုတဲ့ အသုံးအနှုန်းနဲ့တင်

အဖြူရောင်သွေးတွေ တဒုတ်ဒုတ်မြည်အောင် လှည့်ပတ်တယ်…။

နှင်းနုလွင်

14၊ 12၊ 2011